Deputetja e PD-së, Dhurata Çupi, kërkoi sot në Kuvend që të përfshihen 6 milionë euro në vit në buxhet për kompensimin minimal të grave që vuajnë nga kanceri i gjirit.
Ajo theksoi nevojën për financim për proteza, paruke dhe aparatura të nevojshme për trajtimin e këtyre grave, përfshirë PET skaner dhe akseleratorë.
“Kemi tre vite që ne, zonjat deputete te Partisë Demokratike kerkojmë te përfshihet në buxhet. U premtua sot qe kerkesa jonë do te pranohet. Të presim”, shprehet Çupi.
Çupi deklaroi se kjo kërkesë është bërë prej tre vitesh nga deputetet e Partisë Demokratike, dhe që është premtuar se do të miratohet. Ajo shtoi se koha do të tregojë nëse ky premtim do të realizohet.
