Nëntë deputetë të opozitës kanë dorëzuar një amendament për buxhetin e vitit 2025, duke kërkuar mbështetje për gratë e diagnostikuara me kancer gjiri.
Ata propozojnë krijimin e një fondi të posaçëm për blerjen e pajisjeve mjekësore, përfshirë një PET Scaner dhe dy akseleratorë, në Qendrën Spitalore Universitare “Nënë Tereza” në Tiranë.
Amendamenti parashikon gjithashtu një fond prej 600 milionë lekësh për rimbursimin e shpenzimeve për proteza rikonstruktive të gjirit dhe paruke për gratë që janë në trajtim mjekësor për kancer gjiri.
Ky fond do të përdoret për t’u siguruar gratë që trajtohen për këtë sëmundje me mbështetje financiare për nevojat e tyre mjekësore dhe estetike, dhe do të administrohet nga Këshilli i Ministrave.
