Deputetja e Partisë së Lirisë Monika Kryemadhi është paraqitur në SPAK, në lidhje për zbatimin e masës së sigurisë “detyrim paraqiteje”. Kryemadhi është shoqëruar në SPAK nga vajza e saj. Ajo po hetohet për korrupsion, pastrim parash dhe mosdeklarim e fshehje pasurie.
Monika Kryemadhi është shprehur se ndodhej aty për të marrë dosjen me të cilën akuzohet në lidhje me pasurinë.
“Erdha që të marr dosjen”, ka thënë Kryemadhi.
Ditën e nesërme do të zhvillohet seanca në Apel për masën e sigurisë ndaj saj dhe ish bashkëshortit Ilir Meta.
