Shqipëria ka përfunduar në vendin e fundit të Grupit B1 të Ligës së Kombeve pas humbjes 2-1 ndaj Ukrainës në “Air Albania”. Pas një starti katastrofik, ku pësuan dy gola brenda 10 minutave të para, kuqezinjtë e tentuan të kthenin rezultatin në pjesën e dytë, ku Bajrami shënoi nga penalltia në minutën e 75, duke ngushtuar rezultatin në 2-1.
Në ndeshjen tjetër të grupit, Çekia ka marrë një fitore të rëndësishme ndaj Gjeorgjisë, me golat e Pavel Sulc (3′) dhe Adam Hlozek (24′). Gjeorgjia arriti të shënonte një gol ngushëllimi, por Çekia e mbajti kontrollin dhe vazhdoi të kryesojë grupin.
Pas këtyre rezultateve, Shqipëria përfundon e fundit në grup, ndërsa Ukraina ngjitet në vendin e dytë, duke kaluar kuqezinjtë dhe gjeorgjianët. Ndërkohë, grupi i tifozëve “Illyrian Elite” braktisi stadiumin në shenjë zhgënjimi pas pjesës së parë.
