Sali Berisha ka reaguar pas vrasjes tragjike të 14-vjeçarit Martin Cani, duke e cilësuar atë si një krim të plotë parandalueshëm. Gjatë një proteste në “Rrugën e Shpresës”, Berisha akuzoi shtetin për dështim në parandalimin e krimit, duke thënë se akti që tronditi opinionin publik mund të ishte shmangur nëse autoritetet do të kishin ndërhyrë.
Ai theksoi se vrasja e Martin Canit, një sportist i ri dhe nxënës i talentuar, pas një sherri të shtrirë për gati një javë, është një pasqyrë e dështimit të sistemit të drejtësisë dhe të institucioneve për të luftuar krimin. Berisha e lidh këtë ngjarje me një klimë të mbulimit të krimit në vend, ku sipas tij, aktet e dhunshme janë bërë gjithnjë e më të mundshme.
Berisha: Të dashur miq!
Në një hark kohor 5 ditor, tre të rinj humbën jetën.
Njëri prej tyre është një nga ekzekutimet publike më të dhimbshme në historinë e këtij vendi.
Çdo njeri tjetër sigurisht është i dhimshëm dhe ka peshën e vet, por Martin Cani, sportisti i talentuar, nxënësi 14-vjeçar u ekzekutua publikisht pas një sherri pothuajse një javor që përfshiu 10-15 moshatarë të tij.
Ky akt që ka tronditur të madh e të vogël në çdo vatër shqiptare, ishte një akt 100% i parandalueshëm.
Por ky akt në një shtet si ky, ku mbulohet krimi është krejtësisht i mundshëm dhe i pa parandalueshëm.
