Drejtori i Përgjithshëm i Policisë së Shtetit, Ilir Proda, priti Oficerin Ndërlidhës të Policisë Greke, Klaros Evangelos, i cili i dorëzoi një letër urimi nga Drejtori i Policisë Greke, Dimitrios Mallios.
Në letër, Mallios shpreh gatishmërinë për të thelluar bashkëpunimin mes dy forcave të rendit, duke theksuar forcimin e sigurisë për qytetarët e të dy vendeve. Ai sugjeron organizimin e një takimi në nivel Drejtorësh për të diskutuar çështje të rëndësishme, si lufta kundër krimit dhe trafikimit ndërkufitar.
Bashkëpunimi mes dy policive është fokusuar në shkëmbimin e informacionit për krimet ndërkombëtare, me synim rritjen e sigurisë rajonale.
