Për shkak të kushteve të motit të keq në Adriatikun Jugor, autoritetet detare shqiptare në koordinim me ato italiane kanë anuluar lundrimet mbrëmjen e sotme nga Durrësi drejt Barit dhe anasjelltas. Dallgët e larta dhe erërat e forta kanë bërë të pamundur realizimin e udhëtimeve.
Imbarkimi i pasagjerëve dhe mjeteve do të bëhet deri në orën 22:00 të mbrëmjes së sotme, ndërsa tragetet “AF Franchesca” dhe “Rigel VII” do të nisen nesër në mëngjes, më 23 Nëntor 2024. Po ashtu, trageti “Af MIA” i linjës Durrës-Ankona mbërrin në orën 19:00 dhe do të niset në orën 22:00, ashtu siç ishte parashikuar.
