Ministrja e Shëndetësisë dhe Mirëqenies Sociale, Albana Koçiu, ka njoftuar se vaksinimi kundër HPV-së për vajzat 13-vjeçare është falas dhe po realizohet me një mbulim të lartë vaksinacional. Gjatë vizitës në Qendrën Shëndetësore nr.9, ministrja ka vërejtur procesin e vaksinimit, duke theksuar se vaksina është jetike për parandalimin e kancerit të qafës së mitrës.
Sipas ministres, këtë vit janë administruar mbi 9,344 doza vaksinash për vajzat nga mosha 13 deri në 20 vjeç, ndërsa mbulesa vaksinale për vajzat 13-vjeçare ka arritur në nivelin 75.6%.
“Vaksina është falas dhe jetike për parandalimin e kësaj sëmundjeje të rrezikshme”- nënvizon ministrja.
