Zjarri në fushën e mbetjeve të Vlorës vijon që nga mbrëmje e djeshme. Edhe pse dita e djeshme ka qenë me reshje shiu, zjarri akoma është aktiv dhe nuk është shuar.
Si pasojë e zjarrit, tymi ka mbuluar të gjithë zonën. Zjarri dyshohet se është vënë në mënyrë të qëllimshme.
Një nga banorët thotë se pastërtia është skandal dhe përballen çdo ditë me erën e rëndë të mbetjeve.
“Ka që dje. Tym ka, pastërtia këtu është skandal. Këtu jo tymi, por vjen aroma e mbeturinave. Ne bllokohemi. Ka vite që hidhen mbetjet. Është problem i madh, se kuptoj ca po bëjnë, se këta i patën për të hequr dhe nuk i hoqën. Ti çojnë në një zonë atje që këtu nuk ka popullatë”, thotë banori.
