Policia italiane e Milanos ka arrestuar një 20-vjeçar shqiptar, i cili dyshohet se shiste kokainë dhe hashash pranë shkollave në “Via Don Calabria”. Gjatë kontrollit në zonën e Lambratit, atij iu sekuestruan 7 doza hashash (16 gramë) dhe 200 euro.
Në banesën e tij në Pioltello, policia gjeti një minilaborator droge, ku ishin sekuestruar 42 gramë hashash, 42 gramë kokainë, 300 euro, një peshore dhe material paketimi. Disa doza hashashi ishin fshehur në mbështjellës dhe karamele. I arrestuari është mbyllur në paraburgim, ndërkohë që po pritet masa e sigurisë.
