Drejtori i Përgjithshëm i Organizatës Botërore të Shëndetësisë (OBSH), Tedros Adhanom, paralajmëroi se deri në vitin 2050, rreth 1,2 miliard njerëz mund të zhvendosen për shkak të pasojave të ndryshimeve klimatikë. Ai theksoi se kriza klimatike është gjithashtu një krizë shëndetësore, duke prekur në mënyrë të veçantë shëndetin e emigrantëve dhe të personave të zhvendosur.
Tedros kërkoi që shëndeti i emigrantëve të përfshihet në agjendën e Konferencës së 29-të të Palëve të Konventës Kornizë të OKB-së për Ndryshimet Klimatike, si dhe në takimet e ardhshme të COP-it. Ai theksoi rëndësinë e sigurimit të qasjes në shërbimet shëndetësore për të gjithë individët, kudo që ata të ndodhen, në një botë që po ndryshon me shpejtësi.
