Armando Broja, sulmuesi i Kombëtares shqiptare, bëri rikthimin e tij zyrtar në fushë pas një periudhe të gjatë dëmtimi. Ai luajti pjesën e parë me Everton U-21 në ndeshjen ndaj Uotford U-21.
Pas ndeshjes, Broja shprehu emocionet e tij, duke thënë se ndjenja e rikthimit në fushë ishte shumë e bukur.
“Është bukur të kthehesh prap në fushë. Ka kaluar pak që nga dëmtimi im, prandaj është një ndjenjë e bukur të kthehesh, të luash, ta ndjesh lojën, të kthehesh në fushën e blertë dhe të luash me një buzëqeshje në fytyrë.
Me të vërtetë e shijova dhe mezi po pres të vazhdoj dhe me shpresë për t’u kthyer me ekipin e parë”, u shpreh Broja.
