Policia e Kosovës ka ekspozuar në kampin e njësive speciale “Enver Zyberi” në Mitrovicë një arsenal armësh që janë kapur gjatë bastisjeve në Zubin Potok dhe Zveçan, që kanë pasuar sulmin ndaj infrastrukturës kritike të Ibër-Lepencit.
Ministri Xhelal Sveçla ka bërë të ditur se janë arrestuar 8 persona të dyshuar në veri të vendit.
Ndërsa drejtori i policisë Gazmend Hoxha ka thënë se janë konfiskuar 200 uniforma ushtarake, raketahedhës e pajisje të tjera, që dyshohet se lidhen me sulmin e djeshëm terrorist dhe raste të mëhershme.
