Policia e Kosovës ka realizuar sërish kontrolle dhe bastisje në fshatin Varagë të Zubin Potokut, gjatë të cilave janë sekuestruar tri pushkë gjuetie.
Zëvendësdrejtori i Policisë për rajonin e Veriut, Veton Elshani, njoftoi se bastisjet janë realizuar përgjatë kanalit të Ibër-Lepencin, ku janë përdorur edhe njësitë K-9 për kontrollin e terrenit. Nuk ka pasur të ndaluar apo të arrestuar gjatë operacionit, i cili ka përfunduar me sukses.
Kjo bastisje vjen pas një tjetër operacioni të gjerë të policisë, ku janë arrestuar tetë persona dhe konfiskuar armë dhe eksploziv.
