Pas një mungese 11-mujore, ish-kryeministri dhe lideri i PD-së, Sali Berisha, ka rikthyer prezencën e tij në Kuvend. Ai ka depozituar dy amendamente të reja për buxhetin e vitit 2025. Këto amendamente kërkojnë pezullimin e të gjitha prokurimeve për investime publike luksi deri në miratimin e minimumit jetik, si dhe ndalimin e shpenzimeve luksi nga qeveria deri në rritjen reale të pensioneve.
Berisha, i cili u lirua pak ditë më parë nga masa e arrestit të shtëpisë nga GJKKO, pritet të marrë pjesë në seancën parlamentare këtë të martë.
