Kryeministri Edi Rama me anë të një postimi në rrjetin social në facebook u bën thirrje qytetarëve shqiptarë, që jetojnë brenda dhe jashtë vendit, që të aplikojnë për t’u bërë pjesë e misionit diplomatik të Shqipërisë në Bruksel.
Rama fton diplomatët dhe profesionistët e rinj të marrëdhënieve ndërkombëtare që të kontribuojnë në anëtarësimin e Shqipërisë në Bashkimin Evropian. Ai shprehet se kështu përfaqësia jonë do të rritet në numër e në ekspertizë.
“MIRËMËNGJES
dhe me thirrjen publike për të gjithë diplomatët e profesionistët e rinj të marrëdhënieve ndërkombëtare në vend apo ata jashtë vendit, të cilët janë angazhuar me institucione ndërkombëtare, për të aplikuar dhe konkuruar për t’u bërë pjesë e #TeamAlbania4EU në Misionin e Republikës së Shqipërisë në Bruksel, ku përfaqësia jonë do të rritet në numër e në ekspertizë, ju uroj të gjithëve të diel të paqtë
APLIKONI dhe KONKURONI
Linku ”, shkruan Rama.
