Një aksident i rëndë ka ndodhur sot në autostradën Fier-Lushnje, pranë vendit të quajtur “Pushimi i shoferit”.
Një motor është përplasur nga një automjet dhe ka humbur kontrollin, duke goditur më pas anën e një autobusi. Si pasojë, shoferi i motorit ka pësuar lëndime dhe është transportuar për trajtim mjekësor. Policia ka ndaluar drejtuesin e autobusit dhe ka nisur hetimet për të sqaruar ngjarjen.
Dëshmitarët kanë deklaruar se motoristi është goditur fillimisht nga një makinë, e cila është larguar nga vendi i aksidentit.
