Skandali i ndodhur gjatë ndeshjes mes Kosovës dhe Rumanisë ka marrë një tjetër kthesë të papritur. Pavarësisht se UEFA shpalli fitoren për Rumaninë në tavolinë pas braktisjes së fushës nga Kosova, Federata Rumune e konsideron dënimin të padrejtë dhe ka vendosur të çojë çështjen në Gjykatën e Arbitrazhit Sportiv në Lozanë (CAS).
Rumania u dënua me një gjobë prej 128 mijë eurosh për thirrjet raciste të tifozëve, por federata e vendit ka argumentuar se kjo ishte një masë tepër e ashpër, duke theksuar se tifozët rumunë ishin provokuar dhe se kishte pasur sjellje të civilizuar nga ana e tyre gjatë ndeshjes.
Në një lëvizje të papritur, Rumania është e gatshme të paguajë më shumë se 200 mijë euro për të ulur gjobën, por qëllimi i vërtetë, sipas shumë analistëve, mbetet maskimi i skandalit të dhunës verbale dhe raciste.
