Elseid Hysaj, i cili kishte kaluar pjesën e parë të sezonit si i padukshëm për Lacion, është rikthyer në skuadër për ndeshjen e radhës të Kupës së Italisë kundër Napolit.
Trajneri Marko Baroni ka vendosur ta përfshijë Hysajn në listën e lojtarëve të mundshëm për këtë takim, duke theksuar se kufizimet e listave për kampionatin nuk vlejnë për Kupën e Italisë.
Në një deklaratë për mediat, Baroni e vlerësoi Hysajn dhe lojtarët të tjerë që nuk ishin aktivizuar deri tani, duke i konsideruar ata si pjesë të skuadrës dhe duke i falënderuar për angazhimin dhe sjelljen e tyre, edhe pse nuk ishin përfshirë në ndeshjet e kampionatit apo Ligën e Europës.
“Të gjithë mund të përdoren nesër, përfshirë Hysajn, Akpa dhe Basiç,” tha Baroni.
