Në orët e para të mëngjesit të datës 1 dhjetor 2024, në burgun e Malandrinos në Greqi, është gjetur i pajetë shqiptari Armand Qamil Nuraj, 37 vjeç, i cili ishte duke vuajtur një dënim për trafikim të lëndëve narkotike.
Ai u gjet pa shenja jete në të njëjtën qeli me një shtetas tjetër. Pavarësisht ndihmës së ofruar nga autoritetet e burgut, Nuraj nuk ka mundur të mbijetojë.
Aktualisht, autoritetet lokale po zhvillojnë hetime për të zbuluar shkakun e vdekjes, ndërsa nuk ka të dhëna për ndonjë ngjarje kriminale që mund të ketë ndikuar në tragjedinë.
