Në mbledhjen e sotme, qeveria miratoi një vendim që ofron ndihma financiare për punonjësit e Gardës së Republikës në raste fatkeqësish familjare dhe dëmtimi të pronës për shkak të detyrës.
Sipas vendimit, punonjësit e Gardës do të përfitojnë dy paga neto në rastet e vdekjes së prindit, bashkëshortit, ose fëmijës. Gjithashtu, ata mund të shpërblehen deri në 3 paga mujore neto për rezultate të jashtëzakonshme në kryerjen e detyrës.
Në rast dëmtimi të rëndë të pronës private për shkak të detyrës, punonjësi mund të përfitojë ndihmë financiare deri në 1 milion lekë, pas vlerësimit të dëmit. Shpërblimet dhe ndihmat financiare do të hyjnë në fuqi më 1 janar 2025 dhe do të financohen nga buxheti i Ministrisë së Brendshme.
