Gazment Bardhi, deputet i Partisë Demokratike, reagoi ashpër gjatë seancës parlamentare ndaj propozimit të mazhorancës për faljen e gjobave për ndërtimet pa leje.
Ai theksoi se gjobat për ndërtimet e kryera para vitit 2014 janë të parashkruara dhe se nuk është mazhoranca ajo që duhet të falë qytetarët, pasi Kushtetuta dhe ligji i kanë falur ato.
“E vetmja gjë që duhet të bëni është që gjërat para 2014 janë parashkruar. Ju nuk i falni asgjë qytetarëve, sepse ia ka falur Kushtetuta dhe ligji. E vetmja gjë që duhet të bëni është të vini këtu, nga i pari deri te i fundit, dhe të kërkoni ndjesë qytetarëve që i keni terrorizuar me dhjetëra inspektoriate që u shkoni çdo gjysmë ore,” tha deputeti i PD-së, Gazment Bardhi, gjatë seancës në Kuvend.
