Kreu i Partisë Demokratike Sali Berisha ka reaguar në lidhje me deklaratën e zv.krryeministres Belinda Balluku, e cila i akuzoi se shitën hotel Dajtin për t’iu dhënë bonusin e fundivitit pensionistëve.
Berisha u shpreh në emisionin Open në News 24, se ishte vendimi më i mirë që kanë marrë pasi i shpërndau të ardhurat tek qytetarët.
“Modeli është rishpërndarja e të ardhurave në favor të shqiptarëve. Zv/kryeministrja më tha se shita Hotel Dajtin dhe u dhashë pensionistëve bonusin. Është gjëja më e mirë që kam bërë moj zonjë. Unë them, nëse merr studimin e grupit të Bostonit gjen Shqipërinë në 4 vendet me shpërndarjen më të mirë të të ardhurave në vitin 2012”, u shpreh ai.
