Tedi Blushi ka reaguar pas kontrolleve të realizuara sot nga agjentët e BKH-së në banesën dhe zyrat e bashkëshortes së kryebashkiakut të Tiranës, Erion Veliaj. Në një postim në rrjetet sociale, Blushi ka shprehur dyshimin e tij se SPAK po bën drejtësi në lidhje me hetimet ndaj Veliajt. Ai thekson se, sipas tij, autori i krimit të vjedhjes me inceneratorin “ineksistent” të Tiranës është pikërisht Veliaj.
POSTIMI:
Krimi i vjedhjes me inceneratorin inekzistent të Tiranës ka emër dhe mbiemër: Erion Veliaj. Mjafton kjo firmë e paligjshme që ndryshoi fatin dhe i dha jetë kësaj kryevepre korruptive, pa mbledhur Këshillin Bashkiak dhe duke shkelur ligjin e pushtetit lokal, për ta arrestuar Erion Veliaj.
Ka 7 vite që kjo Mega-Firmë ulëret duke treguar “ujkun” (pronarin faktik të inceneratorit fantazmë), ndërsa SPAK kërkon gjurmët e “Harabelit”. Kush beson se SPAK po bën drejtësi, GABON!
