Mëngjesin e sotëm një shpërthim ka ndodhur në një kantier të një prej rafinerive të kompanisë italiane të hidrokarbureve, “Eni”, në Calenzano. Nga ky shpërthim kanë vdekur 2 persona, janë plagosur 26 dhe janë zhdukur tre të tjerë.
Nëntë të plagosurit që u shoqëruan me ambulanca në spitalet e zonës, dy prej të cilëve ishin në gjendje të rëndë, 17 persona të tjerë u paraqitën vetë në ambientet spitalore për të marrë trajtim mjekësor.
“Zjarrfikësit kanë shuar flakët për të shmangur përhapjen në depozitat aty pranë. Teknikët nga agjencia jonë rajonale e mbrojtjes së mjedisit janë në vend për të vlerësuar efektet e mundshme të ndotësve, duke përfshirë çdo efekt në rrugët ujore. Shpërthimi u ndje edhe në qytete larg vendit ku ndodhi”, tha presidenti i rajonit të Toskanës, Eugenio Giani.
Në orët e vona të pasdites është identifikuar një nga viktimat, 51-vjeçari Vincenzo Martinelli, i cili ishte shofer i një çisterne dhe jetonte në Prato.
