Mbrëmjen e edjeshme gjatë një aksidenti në aksin rrugor Koplik-Dedaj humbi jetën një 21-vjeçar. Gjeto Gjonaj ka humbur kontrollin e makinës, ka dalë nga rruga dhe si pasojë e plagëve të marra ka humbur jetën.
Drejtoria e Përgjithshme e Burgjeve ka reaguar në për ngjarje dhe ka shprehur ngushëllime familjes së Gjeto Gjonajt. Ata kanë deklaruar se 21-vjeçari ishte pjesë e strukturë së policisë së burgjeve.
Në reagim Drejtoria e Përgjithshme e Burgjeve shprehet se Gjeto kishte ëndërra të mëdha për të shërbyer në sitemin e drejtësisë.
“Drejtori i Përgjithshëm i Burgjeve, së bashku me stafin, janë pranë familjes Gjonaj në këtë moment të vështirë, duke shprehur solidaritetin dhe mbështetjen e tyre për këtë humbje të pazëvendësueshme.
Gjeto do të mbetet gjithmonë në zemrat tona si një simbol i përkushtimit dhe shpresës për një të ardhme më të drejtë. Do të kujtohemi gjithmonë për pasionin dhe dedikimin tënd. Lamtumirë Gjet!”, thotë drejtoria e burgjeve.
