Zbardhen detaje të reja nga goditja e rrjetit të trafikut të armëve nga Kosova në Shqipëri. Policia shkoi tek goditja e madhe pas dëshmisë së njërit prej të arrestuarve në maj.
Nga hetimi është zbuluar se armët vinin nga Turqia si armë sportive dhe më pas në Ferizaj modifikoheshin dhe bëheshin armë zjarri.
Trafikantët përdornin ditën e shtune dhe të dielë për kalimin në kufi, pasi sipas një marrëveshje, makinat nuk kontrollohen dhe kjo ishte në favor të trafikantëve. Shpeshherë armët e zjarrit në Kosovë shkëmbeheshin jo me para, por edhe me kokainë.
Policia e Tiranës po verifikon episode ku armët e sjella nga Turqia, disa herë kanë tentuar të trafikoheshin edhe në vendet e tjera fqinje, për të cilët nëse provohet, do të rëndohet akuza e personave nën hetim.
