Demokratja Ina Zhupa ka folur në emisionin “Kjo Javë” në News 24 për debatin e ashpër që pati dy javë më parë me Erion Braçen në Kuvend. Gjatë këtij debati, ata shkëmbyen akuza dhe ofendime të ashpra, ku Braçe e quajti Zhupën “ruse”, ndërsa ajo e quajti atë “kone” dhe tha se i “ha m** goja”.
Zhupa theksoi se nuk e ka tepruar me fjalorin dhe se i ka dhënë përgjigjen e merituar një sulmi personal.
Ina Zhupa: Kolegët socialistë nja 2, 3 që i hasa në komision mbajtën atë qëndrimin që ishte gjuhë e tepruar. Në fakt unë jam shumë korrekte me gjuhën, nuk kam qenë aspak e tepruar. I kam dhënë përgjigjen e merituar një sulmi personal dhe sigurisht do ta ribëja sa herë çdo burrë apo çdo njeri tjetër do guxojë të hyjë përtej asaj që është politike. …Berisha kur ka fol për çantat ka thënë të njëjtën gjë që ka thënë edhe ish-ambasadori Donald Lu disa vite më parë për orën. Ai nuk po flet për individin por për korrupsionin. Nuk bëri seksizëm. Këto detaje ishin në funksion të korrupsionit.
