Irakli Davella, një 47-vjeçar shqiptar, ka humbur jetën pas një atentati në Greqi. Davella, i cili kishte marrë nënshtetësinë greke në vitin 2009, ishte pronar i një lokali në zonën e Peristerit në Athinë dhe kishte bizneses të tjera në Shqipëri.
Ai ishte gjithashtu i njohur për dhënien me qira të automjeteve gjatë verës në ishujt grekë dhe për aktivitete të ndryshme tregtare, përfshirë një kafe-bar-restaurant në Delvinë, si dhe një fermë agrumesh në Xarrë të Konispolit.
Bizneset e tij ishin ende aktive deri para disa kohësh. Atentati ndaj tij ka tronditur komunitetin shqiptar dhe autoritetet greke po hetojnë për të zbardhur arsyet dhe autorët e ngjarjes.
