Drejtuesi politik i PD për Tiranën, Belind Këlliçi, zhvilloi një takim me kryesinë e Degës 11 të Tiranës, ku diskutoi detajet e organizimit të protestës së 23 dhjetorit. Gjatë takimit, ai theksoi rëndësinë e mobilizimit të qytetarëve për pjesëmarrje masive, duke e cilësuar këtë protestë si një moment vendimtar për të kërkuar një qeveri teknike dhe zgjedhje të lira e të ndershme.
Këlliçi theksoi se këtë herë do të jetë Lapraka në ballë të aksionit dhe bëri thirrje për bashkimin e të gjithëve për ndryshimin e sistemit politik. Ai nënvizoi se mobilizimi për protestën është në kulm dhe do të përfshijë çdo cep të Shqipërisë. “Këtë javë do të jemi kudo për të sensibilizuar dhe mobilizuar çdo shqiptar,” tha ai, duke bërë apel për pjesëmarrje masive, sepse “koha nuk pret më.”
