Kryeministri Edi Rama zhvilloi një konferencë të përbashkët për mediat në Bruksel me Péter Szijjártón, Ministër i Punëve të Jashtme dhe Tregëtisë së Hungarisë e cila mban edhe presidencën e radhës së BE-së, dhe Marta Kos, Komisionerja për Fqinjësinë dhe Negociatat për Zgjerimin.
Kryeministri Edi Rama foli për mbajtjen e konferencës së tretë ndërqeveritare, hapjen e negociatave për kapitujt për ‘Marrëdhëniet me jashtë’ që është një hap i rëndësishëm për Shqipërinë.
“Ne duam të sigurohemi që i kemi bërë detyrat tona të shtëpisë dhe që negociatat tona do të mbyllen në vitin 2027 dhe me shpresë anëtarësimi ynë në BE të mbyllet brenda kësaj dekade. Kjo është shumë ambicioze por ne e kemi ndarë këtë së bashku” tha ai.
