Dy të rinj shqiptarë, 18 vjeç, janë arrestuar në Monza, Itali, pas një tentative për të vjedhur një banesë, ku përveç kësaj, ata u kapën me një sasi të konsiderueshme droge prej 1.5 kg kokainë.
Ngjarja ndodhi kur një polic jashtë detyrës vuri re dy hajdutë që po përpiqeshin të hynin në shtëpi, njëri duke u ngjitur mbi gardh dhe tjetri duke ndihmuar. Karabinierët dhe policia intervenuan menjëherë dhe arrestuan dy shqiptarët, të cilët tani përballen me akuza për vjedhje dhe posedim të lëndëve narkotike.
Hetimet vazhdojnë për të zbuluar nëse ata kishin njohuri për lëndën narkotike që ndodhej në shtëpi.
