Kryeministri Edi Rama ka zhvilluar një takim me stafin ushtarak dhe civil të Shqipërisë që punojnë në NATO në Bruksel, ku ka theksuar arritjet e tyre dhe rëndësinë e kontributit të tyre në aleancë.
Gjatë fjalës së tij, Rama i përgëzoi ata për përzgjedhjen e tyre si pjesë e NATO-s, duke nënvizuar se kjo ka ndodhur pa ndikime politike apo lidhje familjare.
Edi Rama: Gjeneratë që sot është jo vetëm, protagoniste në Shqipëri ku ka shkëlqyer në të gjithë procesin kompleks për çeljen negociatave për anëtarësimin e Shqipërisë në BE por edhe jashtë Shqipërisë ku një sërë prej jush shkëlqeni si pjesë e NATO, ku jeni zgjedhur pa asnjë kushëri, pa asnjë parti. Këtu e vetmja parti që i bashkon këto kombe është partia e vlerave të demokracisë, lirisë dhe të një sigurie që garantin këto vlera. Më vjen mirë që në këtë panoramë shoh ushtarakët tanë, që këtu duken si të jashtëm, dhe për hir të së vërtetës të shikuarit nga brenda të realitetit të kësaj trupe. Më vjen mirë që përgjithësisht që nga radha e parë deri te vajzat në fund dukeni mirë.
