Qeveria e Shqipërisë ka miratuar rregullat e reja për zhvillimin e zonave aeroportuale, me qëllim rregullimin e ndikimeve që mund të kenë në sigurinë e operimeve dhe përdorimin e tokës brenda dhe jashtë zonave të mbrojtura të aeroportit.
Zona e mbrojtur shtrihet në një rreze 15 km nga pika e referimit të aeroportit. Të gjitha lejet për zhvillim dhe ndërtim në këto zona do të miratohen nga Këshilli Kombëtar i Territorit dhe Ujit, pas konsultimit me Autoritetin e Aviacionit Civil.
Ky rregullim ka për qëllim të garantojë sigurinë dhe ndihmon në menaxhimin e zhvillimit urban rreth aeroporteve.
