Ministri i Drejtësisë, Ulsi Manja, ka denoncuar në Parlament se një kompani private administron të dhënat sensitive të miliona shqiptarëve.
Ai kërkoi miratimin e Projektligjit “Për mbrojtjen e të dhënave personale”, duke theksuar se ky ligj është kyç për mbrojtjen e informacionit privat dhe integrimin e Shqipërisë në Bashkimin Europian.
Ulsi Manja: Një kompani private që administron të dhënat personale sensitive të miliona shqiptarëve, nëse shkel dispozitat e këtij ligji, komisioneri ka të drejtën ta ndëshkojë edhe me 10 mln euro gjobë, përfshi edhe shtetin si posedues të këtyre të dhënave personale. Cfarë doni të thoni ju, ju doni që të mos miratohet ky ligj? Nëse ju doni që të mos miratohet ky ligj, ju jo vetëm jeni kundër negociatave me BE, por po e them hapur që ju doni që të dhënat e qytetarëve shqiptarë të mos mbrohen.
