Një përplasje fizike ka shpërthyer mes deputetit demokrat Flamur Noka dhe kryetarit të partisë Mundësia, Agron Shehaj, gjatë një seance të Kuvendit të Shqipërisë. Noka ka kërkuar me forcë që Shehaj të largohej nga foltorja, duke e akuzuar për rolin e tij në mbështetje të kryebashkiakut të Tiranës, Erion Veliaj.
Pasi Shehaj nuk është larguar nga foltorja, Noka e ka shtyrë me shpatull dhe i ka kërkuar të largohej, duke i thënë “Agron, m’u hiq” dhe “Kur të them unë largohu, mu largo. Mbylle tani”.
Përplasja ka eskaluar kur Noka ka kapur telefonin e Shehajt, i cili ishte live në rrjete sociale, dhe ia ka hedhur atë. Kjo ka shkaktuar ndërhyrjen e Gardës së Kuvendit, e cila ka tentuar të ndërpresë konfliktin.
