Armand Spahiu, 35 vjeç, ka rrëfyer për News24 momentet e frikshme kur u plagos mbrëmjen e së mërkurës në lagjen Çole të Vlorës, ku ndodhi atentati ndaj 30-vjeçarit Kevin Hajrulla.
Spahiu ka thënë se në fillim mendoi se ishin fishekzjarrë, por më pas kuptoi se ishin krisma armësh. Pas përfundimit të të shtënave, ai u ngrit dhe pa që ishte plagosur, ndërsa mori ndihmën e një efektivi policie dhe u dërgua në spital.
“Isha në këmbë, mu dukën si fishekzjarre, më pas kuptova se nuk ishin fishekzjarre, por krisma armësh. U shtriva në shesh dhe kur mbaruan u ngrita. Pashë që isha plagosur. Mora një efektiv policie në telefon, i thashë që jam plagosur dhe më pas më morën me makinë policie dhe më çuan në spital, ku edhe u mjekova”, shprehet 35-vjeçari.
Vlorë/ 35-vjeçari plagoset gjatë atentatit mafioz, tregon momente tmerri
