Një makinë ka përplasur një grup qytetarësh në një treg Krishtlindjesh në qytetin Magdeburg të Gjermanisë, duke shkaktuar panik dhe lëndime. Dpa njoftoi se shoferi i makinës është arrestuar pas incidentit.
Ende nuk ka informacione zyrtare për numrin e viktimave, por burime lokale raportojnë për disa të plagosur dhe dyshime për viktima.
Policia ka nisur hetimet dhe ka mbyllur tregun e Krishtlindjeve, ndërsa operacionet janë ende në zhvillim. Magdeburg, i cili ndodhet rreth 240 kilometra në perëndim të Berlinit, ka rreth 240 mijë banorë. Autoritetet po punojnë për zbardhjen e shkaqeve të ngjarjes.
