Drejtori i Përgjithshëm i Policisë së Shtetit, Ilir Proda, gjatë një takimi me shefat e rinj të komisariateve të policisë, ka kërkuar angazhim maksimal për të adresuar shqetësimet dhe problematikat e qytetarëve. Ai theksoi rëndësinë e parandalimit të krimeve të rrugës, kultivimit të bimëve narkotike, lojërave të fatit, krimeve mjedisore dhe për sigurinë në shkolla dhe në rrugë.
Proda u kërkoi shefave të komisariateve dhe vartësve të tyre të zbatojnë ligjin dhe të sigurojnë performancë të lartë, duke i kujtuar se detyra e tyre është një obligim dhe përgjegjësi e madhe.
