Vendimi i Kryeministrit Edi Rama për të mbyllur TikTok në Shqipëri për një vit ka tërhequr vëmendjen e mediave ndërkombëtare, si BBC, Reuters dhe The Guardian. Rama ka njoftuar se vendimi ka ardhur pas vrasjes së një nxënësi 14-vjeçar dhe pas shqetësimeve për ndikimin e mediave sociale tek të rinjtë.
BBC e citoi Ramen duke thënë se ndalimi është pjesë e një plani më të gjerë për t’i bërë shkollat më të sigurta. The Guardian raportoi se Rama fajësoi TikTok për nxitjen e dhunës mes të rinjve, ndërkohë që Reuters shtoi se vendimi do të hyjë në fuqi në janar 2025.
Pavarësisht kësaj, TikTok tha se nuk ka prova që as viktima as autori i krimit të kishin llogari në platformë.
