Qeveria ka miratuar një akt normativ që shpërndan 120 milionë lekë për disa kategori punonjësish të administratës publike. Shpërblimi përfshin shoferët, sanitaret, punonjësit e arkivit dhe protokollit, dhe është një masë për të mbështetur ata me të ardhura të ulëta.
Ky fond është një pjesë e rishikimit të buxhetit të vitit 2024 dhe vjen paralelisht me shpërblimin e pensionistëve dhe familjeve të tjera në nevojë, përfshirë ato që përfitojnë ndihmë ekonomike dhe personat me aftësi të kufizuara.
Përveç shpërblimeve për administratën, buxheti i vitit 2024 ka përfshirë edhe ndryshime të tjera, si uljen e fondeve për bujqësinë dhe rritjen e buxhetit për transportin rrugor me 12.8 miliardë lekë.
Ky rishikim buxheti gjithashtu parashikon një kredi prej 2 miliardë lekësh për Albcontrol dhe masa për revitalizimin e tregjeve tradicionale në disa bashki.
