Drejtori i Përgjithshëm i Burgjeve Klevis Qose dhe kryetari i bashkisë së Vlorës Ermal Dredha kanë nënshkruar një marrëveshje bashkëpunimi që synon krijimin e mundësive për punësim dhe minimizimin e rikthimit në krim.
Kjo marrëveshje përfshin angazhimin e të dënuarve në programe lokale, duke i ndihmuar ata që të ndërtojnë aftësi të rea dhe të sigurojnë një burim të qëndrueshëm të ardhurash.
Qëllimi kryesor i marrëveshjes është që të dënuarit të bëhen pjesë aktive e shoqërisë, të ndihmojnë familjet e tyre dhe të shmangin rikthimin në veprime të paligjshme.
Ky bashkëpunim mes institucioneve synon të krijojë një sistem mbështetjeje efektiv, duke i dhënë të dënuarve një mundësi reale për një fillim të ri dhe për një jetë të qëndrueshme në komunitet.
