Një aksident i rëndë ka ndodhur në aksin Sarandë-Delvinë, pranë fshatit Shijan, rreth orës 21:35. Një automjet tip “Volkswagen Golf” ka humbur kontrollin dhe është përmbysur në një kanal, duke shkaktuar plagosjen e dy personave.
Sipas informacionit, drejtuesi i mjetit, L. B, dhe një pasagjer janë transportuar menjëherë në spital për ndihmë mjekësore. Fatmirësisht, mjekët kanë konfirmuar se ata janë jashtë rrezikut për jetën.
Policia ka mbërritur në vendngjarje dhe ka nisur hetimet për të zbuluar shkaqet e aksidentit. Rrethana të tjera rreth ngjarjes janë ende duke u shqyrtuar.
