Policia e Kosovës ka arrestuar dy zyrtarë të Departamentit të Kadastrës në Komunën e Graçanicës nën dyshimin për korrupsion, njoftoi kryetarja e komunës, Ljiljana Shubariq.
Ajo theksoi se hetimi dhe arrestimi i zyrtarëve komunalë nuk e vënë në dyshim funskionimin e udhëheqjes lokale të Komunës së Graçanicës apo të Drejtorisë së Kadastrës.
Ajo tha bëhet fjalë për “veprime të ndërmarra individualisht” nga persona të caktuar.
“Do të ketë hetime dhe nuk duam të spekulojmë më tej mbi procedurat e ardhshme. Kur të marrim informacione të detajuara, do të njoftoheni”, tha Shubariq gjatë një adresimi para gazetarëve.
