Dëshmitë tronditëse nga momenti i rrëzimit të avionit si dhe paralajmërimet nga kulla e kontrollit hedhin dritë mbi tragjedinë e aviacionit që zhyt Korenë e Jugut.
Avioni Jeju Air me 181 persona në bord u rrëzua në aeroportin Muan në jugperëndim të Koresë së Jugut gjatë një tentative për ulje emergjente. Avioni u ul, doli nga kursi, goditi marin e aeroportit, u nda në dysh dhe shpërtheu në flakë.
Në aeroplan ishin 181 persona, 176 pasagjerë dhe 6 anëtarë të ekuipazhit. Vetëm dy persona u shpëtuan të gjallë, ndërsa sipas informacioneve të mediave të Koresë së Jugut, 179 pasagjerët e mbetur janë të vdekur.
Zyrtarët e ministrisë së transportit zbuluan një sekuencë kritike gjashtë minutëshe përpara përplasjes, raporton Yonhap News i Koresë.
VIDEO- E tmerrshme! Avioni shkrumbohet nga flakët, mbi 120 të vdekur
Në orën 08:57 me orën lokale, kontrollorët e trafikut ajror paralajmëruan avionin që po afrohej për rrezikun e goditjes nga një tufë zogjsh.
Një pasagjer thuhet se i ka dërguar mesazh një të afërmi për t’i thënë se një zog ishte mbërthyer në krahun e avionit përpara rrëzimit, raportoi News1.
Mesazhi i tij i fundit ka qenë: “A t’i them fjalët e mia të fundit?”
Dëshmitarët okularë raportojnë se kanë dëgjuar një “shpërthim të fortë” dhe kanë parë shkëndija nga motori i avionit përpara rrëzimit.
Yoo Jae-yong, 41 vjeç, i cili jeton afër aeroportit, tha se pa një shkëndijë në krahun e djathtë të aeroplanit para rrëzimit dhe i tha agjencisë së lajmeve të Koresë së Jugut Yonhap: “Po i tregoja familjes sime se kishte një problem me aeroplanin kur unë dëgjova një shpërthim të fortë”.
Një tjetër dëshmitar tha se ai “pa një ndezje drite” ndërsa avioni hyri për t’u ulur dhe shtoi: “Më pas pati një zhurmë të fortë dhe tym në ajër dhe më pas dëgjova një seri shpërthimesh.
Vetëm 2 të mbijetuar nga 181, kush e rrëzoi avionin? Detajet e fundit
