Në shtëpinë e “Big Brother VIP 4”, tensionet mes Gertës dhe Rozanës kanë arritur kulmin pas disa akuzave që Rozana ngriti ndaj Gertës për “prekje fizike”. Gerta është shprehur se nuk ka prekur Rozanën, por thjesht ka kaluar pranë saj pa pasur asnjë qëllim provokues.
Ajo ka reaguar duke thënë: “Nuk e kam prekur dhe as provokuar, kam kaluar duke kërcyer pranë saj. Nuk e toleroj prekjen fizike, por nuk kam bërë asgjë të tillë.”
Rozana, nga ana tjetër, ka mbajtur qëndrimin e saj, duke theksuar se “Nuk e llogaris fare! Nuk është për mua një kundërshtare, por siç është drejtuar, do të shohim si do të shkojë loja.”
Kjo përplasje ka bërë që atmosfera mes tyre të tensionohet edhe më shumë, duke ngritur pyetje mbi përballjen e mundshme në vijim të lojës. Gerta ka theksuar se do të vazhdojë të luajë lojën me siguri dhe se nuk është e shqetësuar për këto akuzat, duke theksuar se edhe duke fjetur gjumë mund ta fitojë këtë lojë.
