Një zjarr i fuqishëm ka shpërthyer mbrëmjen e sotme në dy banesa në lagjen nr. 4 të Pogradecit, duke përpirë shtëpitë dhe duke shkaktuar dëme materiale të konsiderueshme. Sipas informacionit të policisë, rreth orës 21:25, dyshohet se zjarri ka shpërthyer aksidentalisht në banesën e shtetasit A.B., 80 vjeç, dhe më pas ka prekur edhe banesat fqinje.
Forcat e policisë dhe zjarrfikësit kanë reaguar menjëherë, duke ndërhyrë për evakuimin e banorëve dhe shuarjen e flakëve. Fatmirësisht, nuk ka pasur viktima apo të lënduar, ndërsa të gjithë banorët janë evakuuar me siguri.
Grupi hetimor nën drejtimin e Prokurorisë është duke punuar për të përcaktuar shkakun e saktë të zjarrit. Pastrimi dhe shuarja e plotë e flakëve janë ende në proces.
