Një 25-vjeçar nga Përrenjasi u arrestua nga policia kufitare në Qafë Thanë. 25-vjeçari tentoi që të ndihmonte një 20-vjeçar me iniciale A.B., që të kalonte kufirin në mënyrë të paligjshme. Ai e kishte fshehur 20-vjeçarin në bagazhin e makinës së tij tip “BMW”.
25-vjeçari me iniciale M.Ç., u arrestua për veprën penale “Ndihma për kalim të paligjshëm të kufirit”. Ndërsa 20-vjeçari, A. B., u procedua në gjendje të lirë për “Kalim të paligjshëm të kufirit”.
Në cilësinë e provës materiale u sekuestrua makina dhe dy telefonat celularë. Ndërsa materialet i kaluan Prokurorisë së Korçës për veprime të mëtejshme.
