Ish-kryeministri Sali Berisha është paraqitur ditën e sotme në SPAK pas masës që i vendosi Gjykata e Apelit të Posaçëm për dosjen “Partizani”. Në momentin që po futej Berisha në SPAK, Flamur Noka kishte një mesazh të qartë.
“Çdo demokrat, çdo qytetar i këtij vendi është mbledhur këtu për të shprehur revoltën e tij ndaj një vendimi anti-ligjor, që ishte mirëfill politik për të sulmuar opozitën dhe për të kushtëzuar në aktivitetin e tij politik kryetarin e opozitës. Pra, sot jemi për t’i thënë këtij institucioni që ju jeni marionetë politike dhe nuk jeni institucion i ligjit.
Pa më të voglin diskutim protestë sa herë të paraqitet Berisha. Revolta nuk pushon ndaj një instrumenti që është në duart e regjimit për të luftuar opozitën dhe jo për të luftuar krimin dhe korrupsionin” tha ai.
