Monika Kryemadhi doli nga ambientet e SPAK, duke theksuar se nuk ka pranuar të flasë para prokurorëve dhe se do ta bëjë vetëm përpara GJKKO. Ajo foli edhe për ish-bashkëshortin e saj, Ilir Meta, duke thënë “Po e iluminojnë me shpifje. Nuk flas më para prokurorëve, do flas vetëm në gjykatë. Nuk jap më asnjë shpjegim për asgjë.”
Kryemadhi shtoi se nuk është pyetur për asgjë dhe nuk ka pranuar të flasë para prokurorit: “Nuk flas më para prokurorit. Deklaratat do t’i bëj në gjykatë, sepse nuk ka lidhje që ti mund të përdorësh deklaratat e mia kundër meje.”
Kur u pyet nëse e kishte uruar Metën për Vitin e Ri, Kryemadhi tha “S’kam pse të uroj një njeri që s’ka asnjë lidhje me mua.”
Në lidhje me akuzat, ajo shtoi “Uroj që të gjithë ata që e iluminojnë zotin Meta me shpifje të tilla të marrin përgjigje në 2025, siç po marrin disa.”
